1.1.2 Dæmi B

Einstaklingur kaupir sína fyrstu íbúð í október 2017. Hefur greiðslur í séreignarsjóð í desember sama ár og sækir um að ráðstafa inn á lán.

1. júlí 2017

Nýjar reglur um heimild til að taka út séreignarsparnað vegna kaupa á fyrstu íbúð taka gildi.

Í þessu dæmi á viðkomandi hvorki íbúð né hefur hafið greiðslur í séreignarsjóð á þessum tímapunkti.
Október 2017

Viðkomandi undirritar samning um kaup á sinni fyrstu íbúð.

Greiðslur í séreignarsjóð hafa ekki hafist enn.
Desember 2017

Viðkomandi byrjar að greiða í séreignarsjóð af launum sínum.
Október 2018

Umsóknarfrestur rennur út. Sækja þarf um innan tólf mánaða frá undirritun kaupsamnings.

Samfellt 10 ára tímabil getur í þessu dæmi hafist frá og með desember 2017, er viðkomandi hóf greiðslur í séreignarsjóð eða síðar.