Lei­beiningar um rafrŠn skil, sˇtt 25.9.2018 11:44:54


Ξ Valmynd

1  Almennt um fyrstu kaup ß Ýb˙­arh˙snŠ­i

Þeim einstaklingum sem kaupa íbúðarhúsnæði í fyrsta skipti er heimilt að fá útborguð upp að ákveðnu marki og án skattskyldu viðbótariðgjöld sem greidd hafa verið til séreignarlífeyrissjóðs. Einnig er heimilt að taka út og ráðstafa iðgjöldum til greiðslu inn á lán sem tryggð eru með veði í íbúðinni. Heimildin gildir almennt frá og með 1. júlí 2017 og tekur til iðgjalda sem greidd hafa verið vegna launagreiðslna frá sama tíma í allt að tíu ára samfellt tímabil frá því að ráðstöfun þeirra hefst með útborgun og/eða greiðslu inn á veðlán. Þó getur verið heimilt að taka út iðgjöld vegna launagreiðslna frá 1. júlí 2014 til kaupdags íbúðar velji umsækjandi það, að uppfylltum öllum skilyrðum sem um ræðir í lögum nr. 111/2016, um stuðning til kaupa á fyrstu íbúð.

Heimildin tekur til þeirra einstaklinga sem ekki hafa átt íbúð áður. Umsækjandi þarf að afla sér íbúðarhúsnæðis annað hvort einn eða í félagi við annan einstakling, en þó þannig að eignarhluti hans skal að minnsta kosti vera 30%. Þetta hefur í för með sér að ef kaupendur eru fleiri en tveir getur enginn þeirra nýtt sér heimild til útgreiðslu eða ráðstöfunar inn á veðlán. Ekki skiptir máli í þessu sambandi þótt eigendur séu nú orðnir færri en þrír ef þeir voru fleiri við kaup á íbúðinni.

Verja má uppsöfnuðum iðgjöldum til kaupa á fyrstu íbúð eða nýbyggingar og/eða ráðstafa iðgjöldum inn á höfuðstól lána sem tryggð eru með veði í íbúðinni. Ef um er að ræða lán sem ekki eru verðtryggð er jafnframt heimilt að nýta iðgjöld sem afborgun inn á þau, samkvæmt nánari reglum þar um.

Heimildin tekur ekki til kaupa á lóð, búseturétti, viðbyggingar við húsnæði eða endurbóta á húsnæði.

Nßnar:

 

Fara efst ß sÝ­una ⇑