FRAMTALSLEIÐBEININGAR 2016
7.19.3 Opinberir styrkir og útreikningur frádráttar
Skattfrádráttur
Frádrátturinn er 20% af styrkhæfum kostnaði. Hámark kostnaðar til útreiknings á frádrætti er 100 mkr. vegna gjaldfærðs kostnaðar en 150 mkr. samtals ef um er að ræða aðkeypta rannsóknar- og þróunarvinnu. Af því leiðir að skattfrádráttur framteljanda, sem færist í reit 0988 á framtali, getur að hámarki orðið 30 milljónir króna. Þetta hámark gildir um hvert fyrirtæki, hvort sem það er eigandi að einu nýsköpunarverkefni eða fleirum.
Fengnir opinberir styrkir
Ef verkefnið nýtur opinberra styrkja takmarkast skattfrádrátturinn þannig að frádrátturinn og fengnir opinberir styrkir geta samanlagt ekki orðið hærri en tiltekið hlutfall af styrkhæfum kostnaði. Hlutfallið ræðst að stærð fyrirtækis og tegund kostnaðar. Fyrir rannsóknarverkefni er hlutfallið hærra ef niðurstöðum er dreift og þær birtar ókeypis og opinberlega.
Ef verkefnið nýtur opinberra styrkja takmarkast skattfrádrátturinn þannig að frádrátturinn og fengnir opinberir styrkir geta samanlagt ekki orðið hærri en tiltekið hlutfall af styrkhæfum kostnaði. Hlutfallið ræðst að stærð fyrirtækis og tegund kostnaðar. Fyrir rannsóknarverkefni er hlutfallið hærra ef niðurstöðum er dreift og þær birtar ókeypis og opinberlega.
|
Stærð fyrirtækis
|
Þróunarverkefni
|
Rannsóknarverkefni
|
Ranns./opinber birting
|
|
Lítið
|
45%
|
70%
|
80%
|
|
Meðalstórt
|
35%
|
60%
|
75%
|
|
Stórt
|
25%
|
50%
|
65%
|
Stærð fyrirtækja
- Lítið fyrirtæki er með færri en 50 starfsmenn og árlega veltu undir €2 milljónum og/eða efnahagsreikning undir €2 milljónum.
- Meðalstórt fyrirtæki er með 50-250 starfsmenn og árlega veltu undir €50 milljónum og/eða efnahagsreikning undir €43 milljónum.
- Stórt fyrirtæki er með fleiri en 250 starfsmenn.
Greiðsla skattfrádráttar
Skattfrádráttur kemur til lækkunar á álögðum tekjuskatti við álagningu opinberra gjalda lögaðila. Sé álagður tekjuskattur lægri en ákvarðaður skattfrádráttur er mismunurinn greiddur út.
Skattfrádráttur kemur til lækkunar á álögðum tekjuskatti við álagningu opinberra gjalda lögaðila. Sé álagður tekjuskattur lægri en ákvarðaður skattfrádráttur er mismunurinn greiddur út.