LEIÐRÉTTINGIN
1.3.1 Útreiknuð leiðrétting lána
Leiðrétting á hverju láni er reiknuð út miðað við raunverulegar verðbætur á leiðréttingartímanum, þ.e. árunum 2008 og 2009, og verðbætur sem miðast við 5,8% hækkun viðmiðunarvísitölu á ársgrundvelli. Þannig verður hvert gildi viðmiðunarvísitölu láns jafnt og síðasta gildi á undan margfaldað með 1,058 í veldinu einn deilt með tólf. Nemur leiðréttingin þeim mismun sem reiknast með þessum hætti.Við útreikninginn er miðað við að lánið hafi verið í fullum skilum. Leiðrétting er reiknuð á hverja samtölu afborgunar og vaxta og jafnframt á höfuðstól hvers láns eins og hann var í lok hvors árs 2008 og 2009.