FRAMTALSLEIÐBEININGAR 2012
1.9 Framtalsskil á pappír
Framtalinu má skila á pappír til næstu skattstofu.
Undanfarin ár hefur verið dregið markvisst úr útsendingu gagna á pappír, enda rafræn skil komin yfir 95% og flestir þurfa ekkert nema veflykilinn sinn. Í ár var framtalið aðeins sent heim til um 5% framteljenda.
Þeir sem hafa haldið sig við pappírinn eru hvattir til að prófa framtalið á vefnum hafi þeir möguleika á því. Það er alltaf hægt að hætta við og skila á pappír ef svo ber undir. Fyrir flesta er bæði auðveldara og öruggara að telja fram á vefnum. Öll fylgiskjöl sem getur þurft að skila með framtali eru aðgengileg á vefnum eða hægt að senda þau með sem fylgigögn.
Margvísleg aðstoð, s.s. aðgengilegar leiðbeiningar, aukin áritun, samlagning og villupróf tryggja auðveldari og réttari skil, að ógleymdri símaþjónustunni (í 442-1414) ef eitthvað bjátar á. Þá eru afrit af framtölum, líka þeirra sem skiluðu á pappír í fyrra, á vísum stað á þjónustusíðunni og því óþarfi að leita dyrum og dyngjum að þeim.