C: reitur 73:      Aðrar skattfrjálsar greiðslur

• Dánarbætur tryggingafélaga og dánarbætur sjúkrasjóða stéttarfélaga sem ákveðnar eru og greiddar í einu lagi.
• Dvalar- og ferðastyrkir til jöfnunar á námskostnaði.
• Heiðurslaun - heiðursverðlaun. Bókmennta-, tónlistar- og umhverfisverðlaun Norðurlandaráðs ásamt norrænu leikskáldaverðlaununum eru undanþegin skattskyldu.
• Húsnæðisbætur (húsaleigubætur).
• Miskabætur og skaðabætur, greiddar vegna eignatjóns eða sem eingreiðsla vegna varanlegrar örorku.
• Styrkir. Olíustyrkur, styrkur til tækjakaupa fatlaðra og styrkur úr húsfriðunarsjóði.
• Samskotafé vegna veikinda eða slysa.
• Styrkir til foreldra frá sveitarfélögum til að annast barn heima. Hér er átt við svokallaðar heimagreiðslur sem koma í stað niðurgreiðslu á dagvistun.
• Styrkir til foreldra frá Umhyggju, félagi til stuðnings langveikum börnum.
• Úttekt úr samlags- og sameignarfélögum.