1.1.1 Dæmi A

Einstaklingur kaupir sína fyrstu íbúð í september 2017 og óskar eftir að taka út uppsafnaðan séreignarsparnað frá upphafi (lengst frá 1. júlí 2014)

1. júlí 2014

Eldri heimild til að taka út séreignarsparnað vegna öflunar á íbúðarhúsnæði tók gildi.
Nóvember 2015

Viðkomandi byrjar að greiða í séreignarsjóð af launum sínum.
1. júlí 2017

Nýjar reglur um heimild til að taka út séreignarsparnað vegna kaupa á fyrstu íbúð taka gildi.
September 2017

Viðkomandi undirritar kaupsamning að sinni fyrstu íbúð.

Kjósi hann að sækja um úttekt á séreignarsparnaði sínum frá því að hann hóf greiðslur myndi samfellt 10 ára tímabil hefjast frá og með 1. nóvember 2015.
September 2018

Umsóknarfrestur rennur út. Sækja þarf um innan tólf mánaða frá undirritun kaupsamnings.

Samfellt 10 ára tímabil getur í þessu dæmi hafist frá og með nóvember 2015, er viðkomandi hóf greiðslur í séreignarsjóð eða síðar.