Fjárhæðin í reitnum „skattstofn" er samtala reitanna „launafjárhæð", „bifreiðahlunnindi", „ökutækjastyrkur í staðgreiðslu" og „dagpeningar í staðgreiðslu" að frádregnum iðgjöldum í lífeyrissjóð og séreignarsjóð (þó ekki mótframlag). Skattstofninn færist sjálfkrafa í reitina fyrir neðan, „þar af í þrepi 1" og eftir atvikum „þar af í þrepi 2".

Dæmi 1
Launamaður er með 1.200.000 kr. í laun og greiðir 4% í lífeyrissjóð, eða 48.000 kr. Sjálfkrafa reiknast þá skattstofninn sem 1.152.000 kr. sem og skiptingin á milli skattþrepa 1, 2 og 3 (þ.e. 349.018 kr. í fyrsta, 630.829 kr. í annað og 172.153 kr. í það þriðja)

Reiknuð staðgreiðsla (miðað við skiptingu í þrep 1, 2 og 3) er því 428.787 kr. Að frádregnum persónuafslætti er því greidd staðgreiðsla 378.467 kr.

Dæmi 2
Sé launamaður með laun frá fleiri en einum launagreiðanda sem einnig falla í skattþrep 1 og 2 þarf að huga að því hvort heildar skattstofn samanlagðra launa fari yfir kr. 979.847.- og þar með að hluta yfir í skattþrep þrjú. Sé það tilfellið skal handvirkt færa fjárhæðir í hærra skattþrep. Tökum dæmi.

Nú tekur launamaðurinn að sér tilfallandi aukaverk hjá öðrum launagreiðanda upp á 200.000 kr. og segir þeim launagreiðanda að skattleggja alla fjárhæðina í hæsta skattþrepi. Með því að skrá núll í reitina við skattþrep eitt og tvö fjárhæðin 192.000 kr. sjálfkrafa í reitinn "þar af í þrepi 3".

Reiknuð staðgreiðsla er því 88.800 kr. enda reiknast hún nú öll miðað við skattþrep 3.