FRAMTALSLEIÐBEININGAR 2023
6 Framtal barns
Börn yngri en 16 ára greiða ekki tekjuskatt og útsvar af fyrstu 180.000 kr. af launatekjum sínum á árinu 2022. Eftir sem áður skal telja allar launatekjur barns fram á barnaframtali. Gera skal grein fyrir tekjunum á sérstöku framtali, Skattframtal barns RSK 1.02. Aðeins 1. kafli framtals er þá fylltur út. Rita skal nafn og kennitölu barns og foreldris (framfæranda) á framtalið og skiptir ekki máli hvort skráð er kennitala föður eða móður.
Veflykill
Börn fá ekki úthlutað veflyklum, en ef skila á skattframtali barns á vefnum er framtalið opnað á þjónustusíðu framfæranda. Launatekjur barna og staðgreiðsla eru áritaðar í vefframtal skv. launamiða.
Börn fá ekki úthlutað veflyklum, en ef skila á skattframtali barns á vefnum er framtalið opnað á þjónustusíðu framfæranda. Launatekjur barna og staðgreiðsla eru áritaðar í vefframtal skv. launamiða.
Aðrar tekjur. Eignir og skuldir
Á barnaframtal færast ekki aðrar tekjur en launatekjur. Aðrar tekjur færast á framtal framfæranda í viðeigandi reiti. Vaxtatekjur af bankainnstæðum og verðbréfum barna færast í lið 3.4 á framtali framfæranda. Aðrar eignatekjur færast með eignatekjum framfæranda. Sama gildir um eignir barns og skuldir, þær færast með eignum og skuldum framfæranda í kafla 3, 4 og 5 á framtali þeirra.
Fái framfærandi barns tryggingabætur eða lífeyri frá Tryggingastofnun vegna barnsins eru upplýsingar um það áritaðar á framtal hans. Séu þær ekki áritaðar skal færa þær greiðslur á framtal framfæranda. Greiðslur frá lífeyrissjóðum til barna eru áritaðar á barnaframtalið með launum. Sjá þó sérreglur um skattlagningu barna sem misst hafa foreldri og ekki verið ættleidd.
Nánar: