Hér skal færa allar innstæður í bönkum og sparisjóðum. Sama gildir um innstæður í innlánsdeildum samvinnufélaga og á orlofsfjárreikningum. Innstæður á gjaldeyrisreikningum í innlendum bönkum færast í íslenskum krónum á kaupgengi í árslok, sbr. gengisskráningu Seðlabanka Íslands, sjá http://www.sedlabanki.is/gengi/gengisskraning/.
Vextir af reikningum í innlánsstofnunum skulu teljast til tekna í reit 12 þegar þeir eru færðir eiganda til eignar á reikningi. Þó skulu vextir af reikningum þar sem höfuðstóll og vextir eru bundnir til lengri tíma en 36 mánaða ekki teljast til tekna fyrr en þeir eru greiddir eða greiðslukræfir.

 

Upplýsingar frá bönkum og sparisjóðum um innlánsreikninga eru áritaðar í kafla 3.1, 3.4 og 5.5 í framtalinu.