FRAMTALSLEIÐBEININGAR 2020
8.5.3 701086-1399 Straumur - Burðarás Fjárfestingabanki hf
701086-1399 Straumur - Burðarás Fjárfestingabanki hf.
Á árinu 2005 fengu hluthafar í Burðarási (áður Hf. Eimskipafélag Íslands) hlutabréf í Landsbankanum hf. og Straumi-Burðarási hf. í skiptum fyrir bréf sín í Burðarási. Hafir þú eignast hlutabréf í Straumi-Burðarási Fjárfestingu hf. sem gagngjald fyrir hlutbréf sem þú áður áttir í Burðarási hf./Hf. Eimskipafélagi Íslands hf., þá er kaupverð þeirra hlutabréfa 58,67% af upphaflegu kaupverði hlutabréfanna í Burðarás hf./Hf. Eimskipafélagi Íslands hf.
Vitir þú ekki hvert kaupverð þeirra hlutabréfa var, en veist að þú áttir hlutabréfin í Hf. Eimskipafélagi Íslands í árslok 1996, má færa nafnverð hlutabréfanna í Straumi-Burðarási Fjárfestingu hf., margfaldað með stuðlinum 3,0517, sem upphaflegt kaupverð.
Sé verið að færa bréfin í fyrsta sinn á RSK 3.19 skal skrá 1997 sem kaupár. Sé verið að bæta inn kaupverði á bréf sem talin voru fram í fyrra, er þannig reiknað kaupverð fært sem “Aðrar breytingar” í liðnum “Hlutabréfakaup og aðrar breytingar til hækkunar”.
Margir hluthafar í Straumi-Burðarási Fjárfestingu hf. hafa eignast hlutabréfin í skiptum fyrir hlutabréf í Hlutabréfasjóðnum hf. eða Hlutabréfasjóði VÍB hf. Kaup á bréfum í þessum tveimur hlutabréfasjóðum veittu á sínum tíma rétt til skattafrádráttar.
Hafir þú keypt hlutabréf í Hlutabréfasjóðnum hf. eða Hlutabréfasjóð VÍB hf., og fengið hámarks frádrátt frá tekjuskattsstofni fyrir kaupin, þá má í þessari töflu sjá hver fjárhæðin var sem veitti hámarks skattafrádrátt á hverju ári.
