1.1.1.1 Fjölskyldumerking
Fjölskyldumerking
Fjölskyldumerking segir til um fjölskyldustöðu í Þjóðskrá 31. des. 2026. Fyrsta tákntalan segir til um hjúskaparstöðu, þ.e.:
1 einhleypingur,
2 einhleypingur (einstætt foreldri) með börn yngri en 18 ára,
3 hjón,
6 samskattað sambúðarfólk,
7 sambúðarfólk sem hafði rétt til samsköttunar á sl. ári en var ekki samskattað,
* nýhafin sambúð og
9 framteljandi sem misst hefur maka sinn á sl. ári.
Önnur tákntalan segir til um fjölda barna yngri en 7 ára og þriðja um fjölda barna á aldrinum 7-17 ára á framfæri framteljanda.
Fjölskyldumerkingin 2+1+3 þýðir þannig að framteljandinn er einstætt foreldri með eitt barn yngra en 7 ára og þrjú börn á aldrinum 7-17 ára á framfæri sínu.
Ef maki og börn eru búsett erlendis eiga þau ekki að koma inn í fjölskyldumerkingu og framteljandi fær þá fjölskyldumerkingu "1" einhleypingur.
Ef framteljandi, sem er giftur eða í sambúð og hann og börn eru búsett á Íslandi, en maki er búsettur erlendis, kemur fjölskyldumerking "2" einhleypingur með börn yngri en 18 ára. Í þeim tilvikum þarf að leggja fram staðfestar upplýsingar um tekjur maka svo hægt sé að ákvarða rétt til barnabóta.