FRAMTALSLEIÐBEININGAR 2024
1.7.2 Framtalsskylda eigna
Þrátt fyrir að almennur eignarskattur hafi verið afnuminn er full framtalsskylda á eignum og skuldum og gildir það jafnt um þá sem eru búsettir erlendis og þá sem búa hér á landi. Ástæður framtalsskyldu eru m.a. þær að eignir og skuldir hafa áhrif á vaxtabætur og hagnaður af sölu ýmissa eigna er skattskyldur og reiknast frá stofnverði þeirra. Upplýsingar um eignir og skuldir hafa og almennt upplýsingagildi við mat á framtölum.