Þegar búið er að fylla út forsendutöflurnar sem og reitina hér fyrir neðan er hægt að reiknar út skýrsluna með því að smella á hnappinn "Reikna skýrslu". Skýrslan og viðeigandi töflur eru síðan prentaðar út, undirritað og skilað til ríkisskattstjóra.
Afsláttur lítilla, sjálfstæðra framleiðenda af áfengisgjaldi:
Skv. 3. gr. a er heimilt er að lækka áfengisgjald skv. 1. tölul. 1. mgr. 3. gr. (af öli sem flokkast í vörulið 2203, svo og af vörum sem innihalda blöndur af öli og óáfengum drykk og flokkast í vörulið 2206) um 50% að uppfylltum tilgreindum skilyrðum, svo sem:
- Áfengur drykkur er framleiddur af litlum framleiðanda. Framleiðandi telst lítill ef heildarframleiðsla hans á næstliðnu almanaksári á vörum, sem heyra undir þá vöruliði sem tilgreindir eru í 1. tölul. 1. mgr. 3. gr., var minni en sem nemur 2.500.000 sentilítrum af vínanda.
- Áfengur drykkur er framleiddur af sjálfstæðum framleiðanda. Framleiðandi telst sjálfstæður ef hann uppfyllir eftirtalin skilyrði:
- Framleiðandi framleiðir vörur sem heyra undir þá vöruliði sem tilgreindir eru í 1. tölul. 1. mgr. 3. gr. á starfsstöð sinni, með eigin framleiðslutækjum, og á grundvelli eigin framleiðsluleyfis skv. 6. gr. áfengislaga, nr. 75/1998.
- Framleiðandi er ekki undir eignar- eða stjórnunaryfirráðum annars framleiðanda áfengra drykkja. Slík yfirráð teljast vera til staðar ef beint eða óbeint eignarhald annars framleiðanda er yfir 50%, hann fer, beint eða óbeint, með meira en 50% atkvæðisréttar eða hefur að öðru leyti yfirráð yfir framleiðanda.
Uppgjörstímabil, gjalddagar og eindagar áfengisgjalds
Hvert uppgjörstímabil vegna innlendrar framleiðslu er einn mánuður, frá 1. hvers mánaðar til loka hans. Gjalddagi er annar virkur dagur eftir lok uppgjörstímabils. Þá skal gjaldandi ótilkvaddur greiða innheimtumanni ríkissjóðs áfengisgjald ásamt því að skila inn þar til gerðri áfengisgjaldsskýrslu. Gjalddagi og eindagi er sá sami. Beri lögbundinn gjalddaga upp á helgidag færist gjalddagi á næsta virka dag.